Sunday, May 31, 2009

ओ ओलिविया!!!

मन्द मन्द बतास तिम्रो केश उडाउन खोज्दैछ
म पनि त उड्दैछु नि तेसैसँग
तिमीले देख्यौ वा देखिनौ
म बतासमै मिसिएर तिमीलाई स्पर्श गर्दैछु

मीठो तिम्रो बोली संगीत बजाउदैछ
म पनि त गाउदैछु नि तेही भाकासँग
तिमीले सुन्यौ वा सुनिनौ
म तिम्रो बोलीको धुनमा गीत गाउदैछु

तिम्रो हेराइ मुटुको गहिराइलाई छुन खोज्दैछ
म पनि त घाइते छु नि तेहीसँग
तिमीले महसुश गर्‍यौ वा गरिनौ
म तेही नजरबाटै तेस्को उपचार गर्न खोज्दैछु

ओ ओलिविया!!!
तिमीसँगको बिछोड मुटुलाई छिया छिया पार्न खोज्दैछन
म पनि त रुदैछु नि तेही पिडासँग
तिमीले थाहा पायौ कि पाइनौ
मेरा आँशु आकाशबाट बर्सेर तिमीलाई स्पर्श गर्न खोज्दैछन